Empatiya – modern dünyada necə itir!?

imagesKeçənlərdə oxuyub bitirdiyim “Beyin, Senin Hikâyen” David Eaglemanın kitabında qarşıma çıxan empatiya bölməsi diqqətimi çəkdi. Məndə bu haqda bir az araşdırma edib yazı yazmaq qərarına gəldim. Bu yazıda siz Empatiya nədir?, Empatiya vacibdirmi?, Empatiya necə formalaşır və ya doğuşdan gəlirmi?, Yeni texnologiyalar buna necə təsir edir?, Evcil heyvanın olması uşaqlarda empatiya hissinin formalaşmasına necə təsir edir?, Ubuntu fəlsəfəsi və son olaraq da Empatiya və simpatiya arasındakı fərqlər kimi qısa başlıqlar altında bir çox məlumat ala bilərsiz. Elə isə başlayaq: Continue reading “Empatiya – modern dünyada necə itir!?”

Advertisements

“Fi, Çi, Pi” Azra Kohen kitab vs serial

durucanmanayÇoxluğun təşkil etdiyi kimi serial haqqında eşidib ilk 3 seriyasına baxdıqdan sonra əl-ayağa düşüb kitablarını axtarmağa başladım. (Xüsusi qeyd edim bir az uzun yazı olacaq deyəsən) Və yalnız bu gün gecə saat 4də “Pi” kitabını bitirib ardından gün içində serialın sonunu izlədim. Zatən “Çi”-ni oxumağa başlayanda bunu, bu qədər siyasi fikirləri necə səhnələşdiriblər deyə düşündüm və təəssüf ki, serial yalnız “Fi”-dən ibarətdir, hətta deyərdim II sezon yazarın deyil rejissorun təxəllüyüdür və yazıçının çəkimləri dayandırma istəyini anlayıram.

Diqqət yazının sonrasın oxuyarkən linkdəki “Fi-Çi-Pi” üçlüyünün tamamında təklif olunan mahnılardan formalaşan musiqiləri arxa fonda dinləmənizi təklif edirəm:   Tıkla  ♫ ♪ ♯ ♪  ♫ Continue reading ““Fi, Çi, Pi” Azra Kohen kitab vs serial”

E.M.Remark “Lissabonda son gecə”

Remarkın 13-cü romanı olan “Lissabonda son gecə” əsəri həm də müəyyən qədər avtobioqrafikdir. 1961-ci ildə çap edilmiş bu roman immiqrant həyatı haqqındadır, hansı ki, kitabın nəşri zamanı siyasi fikirlərinə görə artıq yazıçı Amerikada mühacir həyatı yaşayırdı. Əsərdə ikinci dünya müharibəsinin başlanğıcında; nasist idealogiyasının sürətlə yayıldığı; insanların öz evlərini, vətənlərini və dəyərlərini geridə qoyub yeni dünya üçün qaçışa başladığı; Afrika, Amerika qitələrinə üz tutduğu; üstünü qara buludlar almış Avropa ölkələri və həmişə hər şeyə qarşı ən güclü qüvvə sevgi və ölüm qorxusundan qaçışın geniş təsviri var.  Continue reading “E.M.Remark “Lissabonda son gecə””

Bernhard Schlink “Vətənə dönüş”

bernhard-schlink“Qiraətçi” romanı ilə tanıdığım yazıçının üslubunu çox bəyəndiyim üçün satışda gördüyüm yenə II Dünya müharibəsi və 90-cı illər Almanyasından bəhs edən Bernard Şlinkin yeni kitabını gördükdə böyük gözlənti və həvəslə aldım. Amma həm tərcümənin bərbadlığı, həm də sanki yazıçının roman və ya hüquq, qanunlar, azadlıq, vətən anlayışları üzərindən fəlsəfi fikirlərini bölüşməyə çalışması çox qarışıqlıq yaratmışdır. Kitab haqqında çox uzun bir fikir bildirməyəcəm. Çünki xüsusi seçərək altından xətt çəkdiyim fikirlərdən başqa kitabdan heç bir həzz ala bilmədim. Continue reading “Bernhard Schlink “Vətənə dönüş””

“Yeraltından notlar” – F.Dostoyevski

fedordostoevskijDostoyevskinin “Yeraltından notlar” kitabı bu əsər bir xəyal məhsuludur deyərək başlayır və mən də yazıma  André Malrauxun  “Hər roman əslində bir avto-bioqrafiyadır” sözləri ilə başlamağı qərara aldım. Beləki Dostoyevskinin bu əsərini Nikolay Çernişevskinin “Necə etməli?” adlı utopik sosialist əsərinə cavab olaraq yazdığı qəbul edilir. Çernişevskinin hadisələrin Sankt Peterburqda cərəyan edən pozitiv əsərinin qarşısına Dostoyevski yeraltının qaranlıq üzünü meydana çıxarır. Əsər iki hissədən ibarətdir: İlk – Yeraltı Adamı – hissəsində, artıq qırx yaşına gəlmiş içinə qapanıq, utanqac və həssas adamın etirafları, məzəmmətləri, təhqirləri, təəssüfləri üzərinə bir monoloqdur. İkinci hissədə isə Yeraltı Adamının birdən sosial həyat tərzinə keçməsi ilə bir mayor və köhnə dostları ilə haqq-hesab çürütmək yolundakı səylərinin və Liza adlı fahişə ilə münasibətlərinin şahidi oluruq. Continue reading ““Yeraltından notlar” – F.Dostoyevski”

Fərəh Pəhləvi “Xatirələr”

kitabSon illərdə İrana yaranmış kəskin marağım növbəti kitab seçimimə də öz təsirini göstərdi. Yenicə bitirdiyim  Fərəh Pəhləvinin “Xatirələr” kitabı haqqında sizlərlə də paylaşmaq istəyirəm. Bioqrafiya, memuar və tarix sevərlər üçün çox maraqlı olacağını düşünürəm. Amma mənim kimi səhvə yol verib kitabı “Qanun” nəşri versiyasını oxumayın, hərf səhvləri, cümlə qırıqlıqları və də tərcümənin bərbadlığı yoracaq. Kitabda ən çox bəyəndiyim, daima həyatlarında olan digər obrazların kitab və ya qeydlərinə yer verilməsi oldu. Şahbanunun 65 yaşında paylaşdığı bu kitab dünya bestsellerləri arasındadır ” yıxılan rejimin və bitməyən eşqin hekayəsi” sloqanı ilə tanınır.  Continue reading “Fərəh Pəhləvi “Xatirələr””

Əsa teatrı premyera “Adamlar və siçanlar” tamaşası

25445945_1562966897121805_5469353832510491125_nBu gün ƏSA Teatrının möhtəşəm tamaşasını izlədik! Əsa Teatrı əlilliyi olan və olmayan aktyorların rol aldığı ilk İnklüziv teatrdır. O qədər təsir edici tamaşa, aktyorluq var idi ki, duyğulanmamaq mümkünsüzdü. Teatrın baş meneceri Nijat Gulama, təsiscisi və bədii rəhbəri Nihad Ari Gulamzada və direktoru Orxan Adigozelə xüsusi təşəkkürlər! Xüsusi qeyd etmək istəyirəm ki, bu gün tamaşanın baş rol aktyoru (Lenni obrazı) və rejissoru Elşən Əsgərovun  doğum günüdür. Continue reading “Əsa teatrı premyera “Adamlar və siçanlar” tamaşası”